Գրունտային ճանապարհները հասարակ և քիչ ծախսատար ճանապարհներ են՝ նախատեսված քիչ երթևեկելի վայրերի համար: Հայաստանում գրունտային են հիմնականում գյուղական ճանապարհները, իսկ մայրաքաղաք Երևանում գրունտային ճանապարհներ գրեթե չկան:
Ամենահասարակ գրունտային ճանապարհը կառուցվում է գրունտը (բնահողը) հարթեցնելով և ճանապարհահատվածին պահանջվող տեսքը հաղորդելով: Սակայն գրունտային ճանապարհները զգայուն են եղանակային պայմանների նկատմամբ և երբեմն դառնում են դժվարանցանելի. ամռանը փոշոտ են, իսկ անձրևային եղանակներին՝ ցեխոտ:
Գրունտային ճանապարհներն առավել կայուն ու դիմացկուն դարձնելու նպատակով ճանապարհաշինարարները մանրացնում են առկա բնահողը, ավելացնում գրունտի կայունացուցիչ և կապակցող նյութեր, որից հետո ճանապարհահատվածին հաղորդում անհրաժեշտ ձևն ու ամրացնում տոփանման միջոցով: Անհրաժեշտության դեպքում, մաշվածությունը կանխելու և ճանապարհին լրացուցիչ ամրություն հաղորդելու նպատակով, մակերևույթին փռվում են հատուկ պաշտպանիչ նյութեր:
«Ճառագայթ» ընկերությունը Հայաստանի տարածքում կառուցել ու սպասարկել է բազմաթիվ ճանապարհներ, որոնք ամուր են, դիմացկուն ու երկարակյաց՝ շնորհիվ նորագույն տեխնոլոգիաների ու տեխնիկայի կիրառման:
© 2016 “CHARAGAYT” CONSTRUCTION COMPANY. ALL RIGHTS RESERVED. Created by WebTop Studio