Ճանապարհաշինությունը շինարարության կարևորագույն ու առաջատար ոլորտներից է, որն իր մեջ ներառում է մայրուղիների և քաղաքային փողոցների նախագծումը, վերանորոգումը ու տեխսպասարկումը: Ընդ որում, ճանապարհաշինությունը իր մեջ ներառում է նաև մայթերի սալիկապատումն ու ջրահեռացման համակարգերի անցկացումը:
Սովորաբար ճանապարհների շինարարությամբ զբաղվում են մասնագիտացած ճամապարհաշինական ընկերությունները, որոնք իրենց վրա են վերցնում համալիր ու բազմափուլ աշխատանքների կազմակերպման ու ղեկավարման, անհրաժեշտ շինանյութի ու տեխնիկայի հայթայթման, ճանապարհի վիճակի մշտական վերահսկման ու սպասարկման բոլոր հոգսերը:
Ճանապարհները սովորաբար դասակարգվում են մի քանի տեսակի՝ ըստ նշանակության, երթևեկության տեսակի, թույլատրելի արագության և այլ գործոնների: Այս գործոններից ելնելով էլ սահմանվում է յուրաքանչյուր ճանապարհի շինարարության տեսակն ու ճանապարհածածկը: Ճանապարհներն ունենում են հողային շերտ, հիմք, երթևեկելի հատվածի մեկ կամ մի քանի ծածկույթներ, ճամփեզրեր, կամուրջներ, ջրահեռացման համակարգեր և ճանապարհային երթևեկության կարգավորման միջոցներ:
Ճանապարհային հատվածի երթևեկելի մասի ծածկույթը սովորաբար լինում է ասֆալտբետոնից, խճաքարից, բետոնից կամ գրունտից:
«Ճառագայթ» ընկերությունն իրականացնում է բազմապրոֆիլ ճանապարհաշինական աշխատանքներ, մայրուղիների շինարարություն, քաղաքային փողոցների շինարարություն, բարեկարգում և սպասարկում թե Երևանում, թե Հայաստանի այլ քաղաքներում:
© 2016 “CHARAGAYT” CONSTRUCTION COMPANY. ALL RIGHTS RESERVED. Created by WebTop Studio