Հայաստան աշխարհը հարուստ է քարերով: Պատահական չէ, որ դարեր շարունակ մեր երկիրը բոլորին զարմացրել ու հիացրել է իր` վարդագույն տուֆից կերտված շինություններով, գրանիտե ու բազալտե հուշարձաններով ու կոթողներով` աշխարին ներկայանալով որպես հոյակերտ թանգարան արեւի ներքո: Զարմանալի չէ, որ քարերով հարուստ այս երկիրում մարդիկ կարողանում են քարերին շունչ տալ, նրանց միջոցով պատմություն կերտել եւ ամբողջ աշխարհին ներկայանալ քարի մշակման յուրօրինակ բնագավառով:
Ընկերությունը իր ուղղակի մասնակցությունն ունի քարերի մշակման ոլորտում: Կազմակերպությունը զինված է ժամանակակից քարամշակման սարքավորումներով, որոնք հնարավորություն են տալիս ստանալ բազմազան արտադրանք, արտադրել ապրանքների լայն տեսականի` երեսպատման սալեր, հատակի սալիկներ, եզրաքարեր, շուբ, աստիճաններ, պատուհանագոգեր, բազրիքներ, բուլավաներ, քիվեր, շրիշակներ և այլն: Բարձրորակ հումքը և նորագույն տեխնոլոգիաների կիրառումը թույլ են տալիս ստանալ գերազանց արտադրանք գրանիտից, մարմարից, բազալտից, տուֆից և տրավերտինից: